Kennir tú blómurnar

Kennir tú blómurnar sum vaksa
her í Føroyum
Sólju og summardá
blákollu og baldursbrá
díkimura, danadá
og vøkru akkuleygu

Kennir tú grøsini
sum vaksa her í Føroyum
fjørugras og fransagras
húsagras og hjartagras
mánagras og mannagras
og mong mong onnur fleiri

Kennir tú berini
sum vaksa her í Føroyum
bláber og krákuber
brobber og rossaber
einiber og dunnuber
og summi kanst tú eta

Mangt ljóðar undarligt
sum veksur her í Føroyum
rossatunga, mýggjagras,
hostijavni, nalvagras,
apublóma, loppugras
ja, nógv er í at velja