Næmingar í 3. flokki kannast fyri orðblindi.
Í viku 38 og 39 verða allir næmingar í 3. flokki kannaðir fyri orðblindi(DVO- sreening).
Kanningin fer fram á tann hátt, at næmingarnir skulu skriva 25 tvætliorð, sum lærarin lesur upp fyri teimum. Næmingarnir, sum so ella so víkja frá norminum, skulu síðan til nærri kanningar. Hava tit spurningar hesum viðvíkjandi, eru tit vælkomin at seta tykkum í samband við orðblindalærara skúlans Eydnu Vitalis á telefon 280343.
12.09.2023
Vit skulu siga frá, at Evy er í farloyvi restina av skúlaárinum 2022/23. Í hesum tíðarskeiðnum fáa tey grønu nýggjan kontaktpersón:
Ása: Benjamin, Tróndur og Guðrun
Rúni: Hugin, Villiam og Lea
Turid: Rói, Emma og Malena
02.05.2023
Næmingarnar hava fingið hvør sítt brúkaranavn og loyniorð til @skulin.fo. Tað er á einum lamineraðum pappíri, sum tey hava fingið boð um at goyma. Sum dømi kundi adressan verið tf1011v4@skulin.fo. Har fyrstu bókstavirnar er byrjunarbókstavirnar í for- og eftirnavni, síðani tín føðingardagur, tað síðsta er valt tilvildarligt.
GG! Vit mæla til, at tit ikki broyta loyniorðið, tí tey koma at brúka brúkarara og loyniorðið alla skúlatíðina í fólkaskúlanum. Av royndum vísir tað seg, at tey gloyma tað.
Office 365
Við at logga á office.com er atgongd til office pakkan. Gera tey okkurt heima, verður mælt til at brúka Onedrive, tí so fáa tey altíð fatur á skalinum aftur.
Lærubøkur á føroyskum
Tað ber til at logga á ibok.nam.fo við sama brúkara, har atgongd fæst til ymiskar føroyskar lærubøkur. Eitt nú lesibókina "Finka".
30.03.2023
Á skúlanum við Løgmannabreyt hava flokkanir vinaflokkar. Vinaflokkurin hjá 1. flokki er 5. flokkur. Har fær so hvør næmingurin ein floksvin, onkur fær tveir, tá næmingatalið ikki er tað sama.
Flokkaranir hava nøkur tiltøk saman gjøgnum skúlaárið. Av tí korona hevur verið, so hevur 1. flokkur ikki verið saman við 5. flokki, men tað verður so týsdagin 3. og 4. tíma, har øll fara at møtast í fimleikahøllini og hugna sær saman.
AKT-lærarin á skúlanum samskipar tiltakið.
05.05.2022
Tað er umhvørvisvika í viku 18 í Tórshavnar kommunu.
Vit fara til fleiri av tiltøkunum, sum verða í býnum, so vit vera nógv úti hesa vikuna. Av hesi orsøk er tað umráðandi, at børnini eru ílatin eftir veðrinum og hava lítla tasku við í skúla hvønn dag.
Vit møta sum vanligt á skúlanum allar dagar kl. 8, og skúlataskan skal við.
26.04.202
Siðvenja er, at vit fara í kirkju ein av seinastu døgunum fyri jól. Men vit vórðu send í jólafrí í úrtíð og vóru tí ikki til jólagudstænastu í Hoyvíkar kirkju.
Seinastu tvey árini hava verið merkt av koronatilmælum, og nú er tað kríggið í Ukraina, ið ger børnini óttafull, tí skipar skúlin saman við Bergtóri, presti fyri einari gudstænastu, ið skal bera brá av friði, tolsemi, semju og vón.
06.04.2022
Vit byrja foreldraviðtalurnar í viku 11. Vónandi eru allar lidnar áðrenn páskafrítíðina. Tit fáa sms við einari tíð nakrar dagar, áðrenn tit skulu møta.
Hesa ferð hava tit eisini foreldraviðtalu við frítíðarskúlan sama dag, beint eftir viðtaluna við skúlan, so tit skulu seta uml 30 min av tilsamans til viðtaluna.
Toymið í 1. flokki og Frítíðarskúlin.
03.03.2022
Góðu foreldur
Hetta er serliga til foreldur, sum eiga dreingir.
Í seinastu hevur playstation og telduspøl fylt nógv hjá flestu dreingjunum, serliga fornite og minecraft.
Nógvir av teimum tosa ikki um annað enn spælið og hugsa nógv um, at teir skulu heim at spæla.
Grundað á hetta er okkara ynski, at tit tosa við teir um, at teir skulu hugsavna seg um at verða í skúla, tá teir eru í skúla.
Vit hava tosað við øll í flokkinum í dag um hetta. Vit hava ikki tosa um, hvat er rætt og skeivt, tí tað er tykkara avgerð. Men vit hava tosað um, at vit tosa ikki um playstation og telduspøl í skúlanum.
Toymið
18.02.2022
Boð frá Frítíðarskúlanum:
Góðu foreldur,
Eitt starvsfólk í Frítíðarskúlanum hevur fingið staðfest Korona mánadagin 13 desembir, og var seinast til arbeiðis fríggjardagin 10 desembir. Landslæknin metir, av tí at viðkomandi fekk symptomir sunnudagin telja tey 48 tímar aftur frá tí degi og tí skulu øll børnini í 1., 2. og 3. flokki sum vóru í frítíðarskúla fríggjardagin 10 desembir testast skjótast gjørligt og 6. dag. sum er hósdagin 16 desembir
Tit bíleggja tíð til kanning á korona.fo
Viðkomandi persónur hevur verið mest knýttur at børnunum í 1. og 2. flokki, og í vissan mun børnunum í 3. flokki.
Vinarliga:
Birita Kjærbo Mortensen
Leiðari
Mítt telefonnummar er 584080, um onkrir spurningar eru.
Spurningar ið snúgva seg beinleiðis um Korona vera vístir til niðanfyri:
Hevur tú spurningar ella ivamál, kanst tú senda ein teldupost til corona@arb.fo ella ringja á tlf.: 304040
Koronatilburđur 10.novembur 2021
Boð rá landslæknanum:
Í samráð við landslæknan skulu allir næmingar í 1. fl. sum skjótast lata seg kanna, og ikki koma í skúla fyrr enn teir hava fingið negativt svar.
Vegleiðingin, sum skúlin hevur fingið, sigur, at næmingarnir skulu kannast aftur í vikuskiftinum og aftur týsdagin 17.novembur
Um onkur ynskir at fáa ein seðil, sendi boð til kontaktlærarin, so fær barnið ein heim við.
24.08.2021
