Í morgun savnaðust næmingar og lærarar til flaggdagshald í námsfrøðiliga deplinum.
Ein hátíðarlig løta, har tónleikalærararnir Oddur, Jóhan og Maria úr musikskúlanum settu sín dám á flaggdagshaldið, tá ið tey við blásiljóðførum framførdu "Sjá tú blánar".
Síðani hildu Jóna og Rannvá, ið báðar ganga í 7.flokki, eina áhugaverda og upplýsandi flaggdagsrøðu.
Flaggdagshaldið endaði við felagssangunum "Sjá tú blánar" og "EM'aranum", har okkara Birgit spældi undir.
Skúlin við Løgmannabreyt ynskir øllum góðan flaggdag.