FM-finalurnar í skúlatalvi vórðu telvaðar í Finsen í Havn mikudagin 2. apríl. Í finaluni hjá teimum yngru var talan um sera spennandi kapping, har fleiri lið togaðust um oddasessin. Undan seinasta umfari var greitt, at Løgmannabreyt og Spírin, sum høvdu telvað innanhýsis javnleik fyrr í kappingini, høvdu bestu útlitini. Í undankappingini fór Spírin við fyrstaplássinum, men hesaferð bragdaði hjá Løgmannabreyt, sum tryggjaði sær FM-heitið við greiðum sigri á Skála í lokaumfarinum. Liðið av Skála legði annars væl fyri í kappingini og lá á odda, tá trý umfør vóru telvað, men dragnaði móti endanum og mátti taka til takkar við triðja plássinum.
Endaliga støðan, 3.-4. flokkur:
1. Løgmannabreyt – 22 stig
2. Spírin 1 – 20 stig
3. Skála – 15,5 stig
4. Glyvrar – 13 stig
5. Spírin 2 – 12 stig
6. Fuglafjørður – 7,5 stig