Árligi SVL rennidagurin var í dag.
Myndir eru at síggja her Rennidagurin 2023
Ofta hevur veðrið argað, tá ið rennidagar hava verið, men í dag var fínasta slag, hóast ikki so gott, sum veðurfrásøgnirnar høvdu boðað frá.
Eftir felags morgunsang og upphiting varð renningin skotin í gongd kl. 9.15 - og næmingarnir hildu avstað.
Við Hoyvíkshøllina, við kirkjugarðin og við Skúlan við Løgmannabreyt fingu næmingarnir ávíkavist reyðar, grønar og bláar strikur á armin sum prógv, at teir høvdu runnið eina rundu á 2,7 km. Eisini var bæði vatn og saft at fáa í skúlagarðinum.
Kl. 10.30 var renningin liðug, og tá høvdu fleiri næmingar runnið bæði 3 og 4 ferðir runt.
So var eftir at skriva skreytbløð og at stilla seg í røðina at fáa pylsur.
Eftir lagnum og prátinum at meta, hevði hetta verið ein góður renningardagur.